LORON 1
Raphaela Maria moris iha loron 1 Marsu, 1850 ba família kristaun iha Pedro Abad (Kórdoba). Nia moris iha era ida-ne'ebé partikulár - tempu problema politiku no sosial nian, tinan barak mudansa , tempo runguranga no pas nian - iha mundu ne 'e nia lidun ida: iha sidade ki' ik ida iha rai-Kordova nia foho. Nia mak ki'ik liu iha maun no bin nain-10 ne'ebé: nain-tolu mate ona wainhira sei ki'ik, no nain- neen simu nia ho haksolok. Husi sira nain-neen ne’e iha bin ida ne'ebé ki'ik liu ne’ebe iha tinan rua iha loron ne'ebé nia moris. Hamutuk ho ninia maun-alin sira, nia sai boot iha sira-nia inan-aman nia mahon okos. Dom Ildefonso, sira –nia aman, mak ema ne’ebe integru, justo, kumpridor ba ninia dever, hadomi ninia familia... nia husik sira ho tempo ne’ebe badak kuando Rafaela sei tinan haat deit. Ninia inan, Raphaela, servisu makaas, Karitativa ,feto ne’ebe fo atensaun ba familia, transmite ba labarik sira valór no espiritu neebé sustenta família, hamutuk ho memória sira-nia aman nian.
Rafaela Maria hetan batizmu iha loron tuirmai depois nia moris. Iha karta ida ne 'ebé nia hato' o ba M. María de Cruz iha tinana 1894 nia hateten ba nia: "Ha 'u, halo haatnulu resin haat iha loron dahuluk maibé loron segundu mak loron ne' ebé ha 'u hetan batizmu: loron boot liu iha ami-nia moris, tanba iha loron ne'ebá ha'u nia naran hakerek ona iha livru moris nian."
Iha okaziaun ida, nia hakerek ba nia subrina, Fó laran-manas ba nia bainhira nia oan ba dala sanulu besik moris mai no hatete ba nia: "… haksolok ba tanba imi bele fó ba Maromak klamar barak ne'ebé hadomi Nia, serbí Nia no tuir mai haksolok ho rezultadu salvasaun nian. Hatete ho laran-moos ba Virjen Maria katak Nia mak sei sai imi-nia oan sira nia inan no imi-nia uma-na'in ne'ebé la iha rohan, no imi de'it mak governu, atu halo buat hotu ne'ebé Nia hakarak ba imi".Ho ida-ne'e, imi nia oan nia moris nu'udar bénsaun husi Maromak.
Ne'e mak dalan ne'ebé nia moris, nu 'udar Maromak nia oan-feto, no tau fiar ba domin espesiál ne'ebé nia hetan iha eventu hotu iha ninia moris tomak, no nia agradese ba nafatin ba prezente moris nian ne'ebé boot tebes.
Wainhira sira sei iha ne’eba hela,Maria nia loron tur ahí to’o dau-daun,nia tur ahí nia oan mane boot, hodi haneras no hatoba nia iha balada han fatin,basa laiha fatin oan ida ba sira iha uma laran. Maria fali rai hela liafuan hirak ne’e hotu, hodi hanoin tuir didiak iha nial aran. (Lk 2:6-7, 19)
Ha'u sente katak ha'u mak Maromak nia Oan favoravel no ha'u gosta ka lae? Ha 'u hanoin kle' an iha ha 'u-nia fuan kona-ba Maromak ninia hakarak ba ha'u-nia moris ka lae?
