LORON 4
Hodi hanoin kle'an kona-ba moris, ida-ne'e halo fasil liu atu moris iha situasaun no esperiénsia sira ne'ebé sei mai husi ita-nia laran... no atu haree sinál sira ne'ebé Maromak hatudu ona iha ne'ebá. Maromak la'o iha Rafaela no Dolores nia oin. Sira fiar katak Nia prezensa iha buat hotu ne'ebé sira hasoru no Nia fó naroman ba sira-nia laran atu haree no komprende kle'an liután...
Iha eventu balun ne 'ebé marka sira nia moris liuliu iha dalan kle' an sira ne 'ebé:
Sira-nia inan no maun Enrique mate iha sira-nia leet. Akontesimentu sira-ne'e prepara sira no hanorin sira kona-ba oinsá atu simu, la'ós atu kaer metin ba buat ida, só de'it ba Kristu. Sira aprende atu moris ho liman no laran nakloke iha Maromak no ema seluk nia oin, no hodi tuir Kristu iha Igreja, sira halo orasaun no serbí ema ne'ebé presiza tebes.
Iha loron 13 Fevereiru 1874, sira sai husi sira-nia sidade no ba iha konventu Sta Klara, iha Santa Cruz hodi diserne ou tetu sira nia vokasaun.
Diocese iha Cordoba fó dalan rua ne'ebé la hanesan: ida lori ba eskola ida-ne'ebé hala'o husi irmán Salesiana sira, no sira konvida sira atu "hanesan ikus". Ida seluk mak misaun foun ida ho Sosiedade Mary Reparatrix... Iha tempu ne'ebá sira hatete fali katak "sin"; prezente hotu ne'ebé sira hetan husi sira-nia moris no sasán sira-ne'e kontinua halao bainhira sira la'o kle'an liután iha sira-nia vokasaun.
Iha loron 1 fulan-marsu tinan 1875, sira komesa sira-nia moris relijioza nian iha sira-nia uma rasik ne'ebé hamosu konventu foun. Iha ne'ebá, iha fulan 19 nia laran, hamutuk ho feto joven sira seluk ne'ebé mai husi família riku sira no ema seluk ne'ebé uluk sai atan - sira aprende saida mak signifika atu moris hodi kumpre votus sira-ne'e no ba moris iha komunidade, hotu-hotu iha santu Inaçio nia laran. Ne'e mak Institutu foun ida-ne'ebé la'ós sujeitu ba kloster tradisionál maibé ho objetivu apóstolu ida atu hala'o serbisu iha Igreja Universal.
Difikuldade mosu no irmán Reparitrix sira sai tiha husi fatin ne’eba. Grupu joven feto sira kontinua buka atu hatán ba Maromak nia hakarak ba sira. Rafaela sira hili atu lidera grupu ne'e, no Dolores mós hala'o papél importante ida.
Bainhira Igreja diosesano hakarak atu modifika buat importante sira husi Institutu foun, irmán joven sira hatudu respeitu maibé hamriik metin. Iha sira-nia leet iha komprensaun ida de'it: Sira-nia regra sira mak husi Santu Ignacio no sira lakohi rende an, tanba sira sente katak Maromak bolu sira.
Bainhira bispu ne 'e obriga, sira konkorda atu buka fatin ida hodi hela iha ne' ebé sira sente katak Maromak bolu sira atu moris. Foin sae nain-14 ne'e la ta'uk, aten-barani, no sira hatán beibeik ba Maromak nia konvite, tan ne'e iha kalan ida nia laran,.Foin sae sirane’e sai segredu iha kalan ida hodi ba Andujar. No hetan protesaun iha kongregasaun hanaran ospitál ba oan-feto karidade nian. Dolores no irmán seluk hela hodi hasoru bispu nia pergunta no hirus bainhira nia deskobre katak sira sai husi San Roque ona. Irman sira-ne'e tau fiar ba Nai, ida-ne'e ajuda sira no hametin sira-nia moris iha sira nia loron dahuluk sira ne’ebe la certeza no dezafiu.
“Mai ita fó agradese barak ba Nia tanba Ninia laran-di 'ak no mai ita entrega ita-nia an la ho rezerva ba Nia, Nia ne' ebé sei fasilita buat hotu. Ksolok boot tebes ba sira nebe hetan ona iha sira nia serbisu! La loos, loos ka lae? "
[…]Ha'u hetan aten-barani no forsa boot, tanba ha'u tau fiar ba Nai, katak nia sei sempre ajuda ami tanba ami lakohi buat ida, só de'it ninia onra no glória. […] Agradese rihun ida ba ita-nia di'ak Jesus, ne'ebé fó laran-sadi'a ba ita no nia nunka hakarak ita atu hetan terus hodi fó kmaan ba ita iha tempu hanesan.. Rahun diak ba Nia ba buat hotu. […]
Ami hotu kontente tebes no ami sente katak ami hetan bénsaun boot tebes. Ami la hela tan ona ospitál; ami hela iha uma ne'ebé kapaz no kontente tebes.
No ami bele halo tuir buat barak husi ami nia regulamentu sira. No liuliu iha espíritu unidade nian ne'ebé furak tebes. […]Ita fó ita-nia an tomak ba Nia atu nune'e Nia bele halo buat ne'ebé Nia hakarak hodi la hasoru obstáculo. […]Ha'u-nia doben, aten-barani,mai ita serbí ita-nia Na 'i ho perfeisaun […]mai ita tau fiar tomak ba Ninia hahalok di 'ak sira; husik Nia halo ba ita tuir buat ne' ebé Nia hakarak no oinsá nia hakarak, sein tau obstákulu sira... Mai ita tau fiar ba ita-nia di 'ak Jesus no la sente ta' uk’ (husi nia karta)
Hare sira tuir Nia, Jesus fila hodi husu ba sira:”imi buka sa ida?” sira hatan: “Rabbi, katak ‘Mestre’ ita horik iha ne’ebe?’’ Jesus dehan :”Mai hodi hare.” Nee duni, sira ba hodi hare Nia horik iha ne’ebe?. Iha loron ne’e, sira hela ho Nia; kala tuku haat loraik. (Jn 1:38,39)
Maromak oferese dalan mai ita, no Nia la'o tuir dalan ne'e. Nia konvida ita atu la'o hamutuk ho Nia ho haraik-an hodi tau matan ba relasaun domin ne'ebé importante liu hotu. Oinsá ita moris no tau matan ba Ninia konvite atu husik Nia halo ita-nia an no hadomi ita-nia an husi Nia, no husi ne'ebá, atu sai nu'udar dalan ba Ninia domin ba ita-nia maun-alin sira, ba sira ne'ebé presiza hatene liután no atu sente ninia domin?
